Çaste poetike me poeten;Selvije KADRIU

I HUMBUR JE

—————————–

I zbehtë më dukesh

Të humbi shkëlqimi

Ndoshta nga mërzia

Për atë që e adhuroje

Apo të zhgënjeu

Ajo dashuri e vjedhur

E cila e ëmbël ishte në fillim

E tash kur ti i kërkon ata sy

Që t’shikonin me dashuri

E ti sollën engjëjt

Të të duan ty

A thua i harrove

Ato duar t’vogla

Rreth qafës tënde

Apo ti nuk ishe njeri

SK, 09.08.2024, Kamenicë

/www.QendraPress.com/