Çaste poetike me poetin;-Sherif GASHI

BALADË E SHPËRGJUMUR

———————————

Shkithem kur ëndërrit,

Shekujt e fatit që pate,

Shpirtërohem nga vegimet e llahtarshme,

Të frikshme të pakapshme.

Ëndërrit i shpërgjumur,

Ëndrrat tua vashërore,

Dua të jem unë shortar,

I ditëve tua dasmore.

Do të shkardhë mllefin tim të ndrydhur,

Përtejasi këtë do ta shijojë,

S’do të jem filiz i shtrydhur,

Po zemër që do të gjalloj.

Ëndërrtar s’do të jem përherë,

Do të shpirtërohem me atë tjetrën,

Llahtarinë e frikën do t’i marrë kjo erë,

Nuk do të pështëllij, por do të thërras jetën.

Ti thur ëndrra i jetësoj unë,

S’bën të jesh kurrë ëndërr kot,

Shortarë ëndrrash s’më hyjnë në punë,

Do t’i jap fund unë për mot.

Përrallis viti e përrallis moti,

Mos mendo se më është lëbyr syri,

T’i përkëdhel ëndrrat më pengon loti,

Pse në jug ende s’u gjet “myhyri”.

S’do të jem i përzishëm gjithmonë,

Me përvëlak unë jam i rritur,

Të gjithë shpirtrat do t’i shkartis,

Që të arrij ëndrrën e pritur.

Do ta vërtetojë emri i zotit,

Do të shkreptijë drita e diellit,

Ai që thur ëndrra prej motit,

Do të arrijë kupën e qiellit.

Shkithem kur ëndërrit,

Shekujt e fatit që qenë praptarë,

Do të shpërballem e do të shpirtërohem,

Me shpirtin e popullit prijatar.

/QendraPress/