Çaste poetike me poeten;-Valbona HOTI

E Vërteta Nuk Lyp Mëshirë

—————————————-

Mos u lodh duke u përpjekur t’i japësh arsye dikujt

 që e ka bërë gënjeshtrën strehë dhe të vërtetën armike.

Sado fakte t’i vendosësh përballë, ai do t’i quajë mashtrime.

Sado sinqeritet t’i dhurosh, do ta kthejë në dyshim.

Nuk është se nuk e sheh të vërtetën.

Thjesht ka zgjedhur të mos e pranojë,

Pranimi do ta detyronte të përballej me vetveten.

Mos e harxho frymën duke bindur dikë që i beson

më shumë një gënjeshtre të bukur sesa një të vërtete që dhemb.

Lëri fjalët të pushojnë.

E vërteta nuk ka nevojë të ulë kokën që të besohet.

Ajo ecën e qetë, sepse e di se koha është aleatja e saj.

Një ditë, maskat bien.

Gënjeshtrat treten si tym në erë,

E vërteta mbetet në këmbë, me dinjitet,

pa kërkuar falje e pa kërkuar besim.

/QendraPress/