E diela me poetin :Bedri Halimi
PËRTEJ MJEGULLËS TA SHOH ÇERPIKUN
Buzëqeshja jote zjarr i ndezur
Buzët tua derë e minierës
Sytë tu këndojnë këngën e puthjes
Duart e mia në bregun e mollëve
Me gjethet e njoma ndezin zjarrin e kështjellës
Plakja ska si të vij
Kur me duar e prekim dritën
Në rrugën për te ti
Në zemrën tënde ska vetmi
Kënga e nesërme shëron gjurmët e dhembjes
Shijon magjinë e buzëqeshjes
Duke prekur gjethet tua
Të ftoj të mos më lën vetëm
Buzëqeshja jote i jep jetë lumturisë
Pa më bërë të huaj
Në oqeanin e qiellit
Të përvëloj me dashuri
Malli i syve të mi
Hedh valle në ballkonin tënd
Përtej mjegullës ta shoh çerpikun
Që më deh në kopshtin e dashurisë
Me ty kënga është e gjatë
Gjurmë e qetësi për natën e shkurtër
Zemra troket për fundosjen tonë te njëri tjetri
Në ballkonin tënd jehojnë gjurmët e klithmave
Zjarri i së ardhmes na përtrin
Në hije këndojmë për dollinë
Për lulet në rreze të zemrës
Me shpirtin tënd
Shënojmë fitoren e lumturisë
Që tingëllon edhe në ëndërr
Me gjurmët tua Këndojmë këngën e natës
Me efekt të hënës Jo vetëm një natë
Do e këndojmë këngën e zemrës
Pa pritje pa dëshprim
Nga fillimi nisem me sytë e tu
Nga fjala e përsosur
S’mund të afrohet gjumi
Shijojmë harmoninë e pranverës
Vështrojmë ka njëri tjetri
Duke shëndritur buzëqeshja
Me imazhin e etjes në syrin tim
Lumturia nuk spjegohet
Me zytë e zemrës
Kërkojmë shpresën e mirë
Në portën e zemrës
Parfum perendeshe
Pemë e diellit Në hijen e fustanit
Me klithjen e flakës së shpirtit
Ndez kandilin
E flet me heshtje
Në mbretërinë tënde
Për mua lind dita
Humb vdekja ime
Në dhembjen e vuajtjes
Për të dashuruar sërish
Sa herë lind dielli