E mërkura poetike me poeten;-Bujana MALAJ

Uj’n Valbonës i kam ndal !

N’majë t’Jezercës vargje shkrova

N’vargun tim Tropojën mblodha

Zanin n’vargje rrjedhshëm e l’shova

N’ çifteli fjalët ti k’ndova.

Sa përmallshëm kangën përcolla

Me zogj t’shqipes u bashkova

Njana pyeti për dashninë

Tjetra rrok ka çiftelinë.

N’majë t’Jezerces ra ylberi

Fal me sh’ndet po t’çon Shkelzeni

Mbledh janë shqipet për rreth sofrës

Mirë se t’gjej Malësi e Gjakovës.

Dasëm bajnë shqipet mbi male

Rog më rogë po hedhin valle

Janë mbledh çikat n’shpella t’borës

Thonë do i ndalim uj’n e Valbonës.

Kangën mora n’gryka t’Rugovës

Me bylbylat n’lisa t’Bogës

Zanin tim i dhashë bylbylit

Çiftelisë, lahut’s e fyellit.

Male , pllaja , maja e kreshta

Kangë mbas krahut ç’po ushton bjeshka

Tropoj’s time vargje e rreshta

M’prit malësi hej mirë të gjetsha.

Marrë nga vëllimi i librit tim “ N’krahnuer tem pushon Tropoja” B&Malaj ! Tiranë!

/www.qendrapress.com/