E mërkura poetike me poetin;-Zhaneta BARXHAJ

Presin të rilindin

——————————

Mjegullës së thyer, fluturojnë çika breshëri,

ndezin qiellin, si gur stralli.

Atje tek shqyhen erërat,

me thonjtë në gurmazin e njëra- tjetrës.

thëllimi akullon zemrat.

Shpellës së braktisur, jetojnë fantazmat,

rrahin e farkëtojnë hekurin, gati për t’u kthyer.

Maja shkopinjsh,

ngulen mbi trupin e kohës së plogësht,

që duan ta vdesin.

Me brohoritje e kukama,

rrahje gjoksesh e britma,

presin të rilindin, presin të rikthehen,

me mjegullën që ndez strallin.

Zh.B

/www.qendrapress.com/