Fryma poetike e ditës atdhetare me poetin:-Ragip GJOSHI

ÇLIRIMTARË E FAQEBARDHË

Prolog

—————————

Kujdes, Evropë!

Respekt për këtë grusht njerëzish

të shkelur me shumë ngjyra çizmesh

në këtë atlas shkëmbor!

1.

Mos e matni historinë

me vizore diplomatësh,

as plagët me heshtjen e hartave;

këtu çdo gur ka një dëshmi,

çdo prag një varr,

çdo nënë një emër të pathënë.

Kjo është Dardania —

e copëtuar në harta,

e rrethuar me tela,

e goditur nga çizmet e shekujve,

por kurrë e dorëzuar.

I morën kufijtë me laps,

i ndanë trojet me gërshërë,

i dëbuan njerëzit nga shtëpitë,

dhe mbi oxhaqet e shuar

mbollën heshtjen e pushtimit.

Nga Dardania në viset shqiptare

kaloi një kronikë e gjatë:

dëbime,

vrasje,

burgje,

spastrime,

shkolla të mbyllura,

gjuhë të ndrydhura,

emra të tjetërsuar

e familje të shpërndara në erë.

Por populli nuk u zhduk.

Në çdo prag të djegur

mbeti një shkronjë.

Në çdo varr

një kujtesë.

Në çdo fëmijë të dëbuar

një atdhe që kërkonte kthim.

Dhe kur historia u ngushtua

deri në grykën e pushkës,

dolën bijtë e saj —

jo për të pushtuar,

por për të mos u zhdukur.

Ata morën mbi supe

hallet e një populli

dhe e çuan përpara,

deri te dita e drit;rimit,

kur qielli u mbush me bomba

dhe bota më në fund

pa atë që kishte kohë që bërtiste.

Pastaj erdhi liria.

Erdhën njohjet.

Erdhën institucionet.

Erdhën fjalët e mëdha

për paqen,

për drejtësinë.

2.

Presidenti hoqi kollaren dhe kostumet

Veshi uniformë të re për betejen e fundit

Ushtari i përhershëm i lirisë së Kosovës

Tok me tre bashkëluftëtarët përkrkrah…

Sot,në një sallë larg atdheut,

katër burra presin

që drejtësia të mos harrojë

se nga cila histori kanë ardhur.

Mjaft është mjaft!

Pas bombave,

pas njohjeve,

pas gjithë asaj drite

që Evropa tha se solli në Kosovë,

duhet të vijë edhe një fjalë

e prerë si kambanë:

PAFAJËSI!

Jo më një tjetër derë burgu

mbi një histori të përgjakur.

Jo më një tjetër gur

mbi kujtesën e një populli.

O Evropë,

ti që e njeh peshën e drejtësisë,

mos e lër peshoren

të anohet nga era e politikës!

O miq të shqiptarëve,

ju që ishit pranë nesh

kur qielli u bë zjarr,

mos heshtni tani

kur drejtësia pret në prag!

Shikojeni këtë grusht njerëzish:

me rrudha lufte në ballë,

me atdhe në kujtesë,

me vite burgu mbi supe,

por me fytyrë

që nuk e ka ulur para historisë.

ÇLIRIMTARËT E FAQEBARDHË

PRESIN LIRINË!

3.

Le të hapen dyert

që i mbylli koha e gjatë;

le të kthehen bijtë

në tokën që i priti;

le të pushojë kjo pritje

nën qiellin e Kosovës.

Sepse një popull

që mbijetoi copëtimin,

dëbimin,

vrasjen,

shtypjen,

asimilimin

dhe burgun,

nuk kërkon hakmarrje.

Kërkon drejtësi.

Dhe drejtësia,

kur vonon shumë,

duhet të vijë më e madhe se heshtja.

Ç’është mjaft — është mjaft!

LIRI PËR ÇLIRIMTARËT!

Kthehuni,Çlirimtarë e faqebardhë!

Kosova po pret.

Nënat po presin.

Maket po presin.

Historia po pret.

Dhe Evropa,

nëse ende e dëgjon zërin e drejtësisë,

duhet të thotë:

LIRIA nuk është krim.

ÇLIRIMTARI nuk është fajtori.

DREJTËSIA duhet të flasë!

Drenicë, më 15 shtator 202

/QendraPress/