Fryma poetike e së dielës me poeten;- Valbona Rexhepi Hadri

Dëshpërim

———————————

Ata arritën kulmin e pabesisë,

Kur shpallen se duart e arta

Do të jenë përplot me tridhjetë e gjashtë shprehjet e shkruara.

Dhe se vetëm ata qenkëshin të mençurit.

Por fjalët e tyre u tretën,

si flluskat.

Të pafajshmit nxorën lot dëshpërimi, ndërsa lajmëtarët i’u grahën kuajve, me urdhrin e lartë,se një ditë edhe ata do belbëzojnë në rrokje.

Më mirë do të bëhet psherëtiu misionari me zërin e mekur.

Në dimrin e parë,

Copëzat e bukës në sqepin e trumcakut u thanë nga erërat tunduese .

Mendjet e humbura u tretën në vajin e zogjve të vrarë duke sjellë pamjet e një fundi, të magjes në të sosur.

/www.qendrapress.com/