Fryma poetike e së mërkurës me poetin;-Rizah RESHANI

PAKICA

—————————

Më pati thënë një vakt

Miku im Avdullah Gashi,fjalëqetë.

Ndjesë pastë !

Pakica gjithmone ka të drejtë.

Aty ku shkel shumica

As bari nuk mbinë !

Tha urtaku i Gashëve.

Atë mot të vrantë, atë stinë.

Vonë shumë vonë

Credoja e tij m’u kujtua

Se gjykatësi kohë i dha të drejtë

Kryefjala e tij rrodhi moteve si krua.

Pakica luftën e bëri

Pakica u sakrifikua.

Pas saj, shumica u zhyt n’ batak

Të Vërtetës, Mirësisë i bëri lak.

Të mirët mbeten në varre, në lapidare.

Ose t’ngratë, n’ kasollet e dëlirësisë.

Profiterët në fron, si një analfabet bari !

Syrin s’ua ngop as kodra me ari.

Pakica vuan si gjarpëri nën gurët e sylotit.

Pakica duron, është në rrugën e Zotit.

Më pati thënë Bacoku , që shuplakë i ra

Drejtorit ardhacak, e i tha

jam unë këtu gjithçka!

/QendraPress/