Çaste poetike me poeten;- Marigona ZEKAJ

Dritë e çiltër, morali im

—————————-

Në brendësi më ndriçon një dritë e çiltër

e lindur mes fjalësh mes ëndrrash të dridhura

ajo s’ka hije as ngjyrë të mpiksë

vetëm dritë që nuk shuhet kurrë.

Morali im – një zjarr i shenjtë

që nuk e trembin as furtuna as terri

as premtimet boshe as fjalët e lehta

as rrugët që ndotin zemrën e njeriut.

E mbaj të pastër si burimi në mal

si qielli kur agimi lind pa rë

e ruaj si flakën që s’duhet të ndalë

se pa të shpirti do mbetej në dhe.

/QendraPress.com/