Çaste poetike me  poeten:-Bukurie BUÇPAPAJ

EPOKA E SHUMË PRITUR KA ARDHË

—————————————————-

Bjeshket e mia udhë legjendare,

lumenj rrëmbimtarë nëpër stinë,

Besa ,gjenetikë Shqiptare ,

Trimëria, bujaria , prore prinë.

Këngët e shekujve i këngëruam

Në tel lahute u burrëruam,

Flamurin, plisin , bajraktarë,

Dasmën plagosur kurrë i vrarë.

Kohës,epokave cunguar lirinë

Veç kurrë se shuan nënë Shqipërinë

Krahët ia prenë, veç zemrën kurrë,

Me gjokse ruajtëm gjuhë e flamurë.

Më mban kokë ulur , e vojtura nënë

Një farë e keqe ,rrënjë na ka zënë ,,

Duan paranë ,me ty bëjnë pazare

Kurrizorë , tradhëtarë shiten për pare.

Erdhi një epokë për ty trokiti

Shekujve ,trungu yt filiza qiti,

degë u bënë , degët u bënë lisa,

Priju fitimtare se të erdhi dita.

/QendraPress/