Çaste poetike me  poeten:-Vilma NIKA

Prizren.

—————————–

Tek marrin jetë malet e Sharrit

gjarpëron përmes një lumë.

Ujdi në rrugët e kalldrëmta

dhe dashuri,

o zot… sa shumë…!

Ngadalë u ngjita kalasë tënde

qiellin seç preka me dorë.

Përposhtë vështroja me ëndje

madhështinë e tëndes kurorë.

Lavdi e trimërisë më fliste

për historinë kur lidhe besë.

Nur i bukurisë të ndriste

si një mëngjes i larë me vesë.

Oh, sa ia ndjeva erën tokës

kur mora teje një poçe balte.

Gjithë dashuri ti thoja botës,

si filtet shqip gjuha prej mjalte.

Lumnova fe e besë shqiptari,

në rrugë ku flitej mall trimnie.

Prizren i bukur,larë prej ari

gjerdan i ngjeshur n’sy lirie.

/QendraPress/