Fryma poetike e së dielës me poetin:-Gëzim AJGERAJ

MOTET E BAJRAQEVE TË KOBIT

————————————————

Ku shpirti rënkon, i lodhur trishtimit

Në një botë ku vlera ka marrë erë

Ku psherëtima bëhet si një britmë e shurdhër,

Dhe ligësia rri si hije, e ftohtë pabesisë të pret

Aty ku dija është një letër e shitur

Diplomat mblidhen nëpër tavolina e pazare,

Dhe ligësia ushqen mendjen miope

Duke shuar shpresën, e ëndrrat vrarë

Atje ku ëndrrat shuhen sa hap e mbyllë sytë

Ku bajraqet e *fiseve tundin erën e kobit

E udhët ti vizatojnë nga duart e errëta

Për emrin tënd e mosbindjen të ndjellin mortin

Kjo hije e rëndë dhe e zbehtë

Dheut ku mallkimi është një gjëmë,

Le të presim një rreze, a një dritë të re,

Të na shpëtojë nga kjo errësirë

Që mbi kokat tona kaq rëndë ka rënë!

/QendraPress/