Çaste poetike me poetin;-Petrit BEQIRI

. Apel shpirti

———————————

Mos të bëri apel shpirti,

këtë herë që u prish radha?

Thuajmë moj, kush të nxiti,

që shkruajte sot e para?!

S’ta them dot, të dy e dimë,

një vjersha jote më nxiti!

E lexova me një frymë

dhe një “tak” më la te shpirti!

E lexova për së treti,

oh, ky vargu yt, ç’më mbyti!

Më erdhi si dallgë deti,

erdhi, më zuri për fyti!

Figurat letrare mbeten,

thërrmime dallgësh mbi mua!

S’është e rastit, që gjej veten,

kur lexoj vjershat e tua!

/QendraPress/