Çaste poetike me poetin:-Mevlan LUSHI        

PRIZRENI I BUKUR

———————–

O Prizreni i bukur

Qyteti i Dardanisë

Në histori ke mbetur

Zemra e shqiptarisë.

Ne shtëpinë e Lidhjes

Sa herë e vizitojmë

Patriotët e shquar

Me respekt i kujtojmë.

Shadërvani i bukur

Në qendër qëndron

Lumbardhi i qetë

Bukurinë ta shton.

Lart qëndron Kalaja

Kurorë e bukurisë

Me mure e mburoja

Dëshmi e historisë.

Në rrugët e tua

Dyqanet rrjeshtuar

Në restorante e lokale

Mrekullisht gatuar.

Monumente të shumta

Trashëgim nga historia

Pranë Shatërvanit

Më e bukura Xhamia.

Shkollën dhe arsimin

E kulturën zhvillon

Zambaku i Prizrenit

Në krye qëndron.

Për shumë dekada

Nga larg të kemi vështruar

Të kalonim kufinë

Nuk patëm guxuar.

Sot të kemi pranë

Ne vijmë edhe shkojmë

Të ecësh veç përpara

Me zemër të urojmë.

Mevlan Lushi, shkurt 2026

/QendraPress/