Çaste poetike me poetin:-Llesh GJOKA

E KËRKOVA POETIN

—————————–

E kërkova nën qiellin e zymtë

Ditës së lagur qull

Nëpër hauzet e mbushur përplot me ujë.

E kërkova trotuarëve me shi

Nëpër rrugica periferike

Gjurmëve në ikje.

E kërkova te shtëpia e poetëve

Poshtë një tende ku pihej verë

Nën tinguj të lehtë muzike.

E kërkova hijeve të muzgut

Pranë qirinjve të ndezur

Ku bëheshin lutjet.

E kërkova poetin

Dhe e gjeta sërish me penë në dorë.

Nuk kishte vdekur kurrë.

Il@gjoka

11.01.2026

/QendraPress/