Çaste poetike me poeten;-Shpresa Gashi ZURNACI

JAM MBYLLUR VETMISË E MËRGUAR

———————————————-

Ka kohë qe ndihem e merzitur

E mbyllur si zogu ne kafaz diku larg

Kam mbetur brenda vetmisë duke pritur

Nje bisedë te mirë me ke te flas

S’ka kush as të më përshëndes

A nënën të përqafoj e të nxjerr mall

Jam mbyllur këtu larg vetmisë vet

Dhe s’kam të ndërroj me ke asnjë fjalê

Dhe lulet kanë rënë në mërzi

Pikturat heshtin e më shikojnë me dhimbje

Vetëm librat më kan mbetur miqtë e mi

Dhe poezia që herë herë me vjedh frymezime

Dhe ikin ditët kësisoj te vetmuara

i ngjajnë njëra tjetrës e flatrojnë

Unë mbetem pritjes diku larg e harruar

Pres korrikun të vie e të fluturoj

/QendraPress/