Çaste poetike me poetin;-Murtez ASLLANI

TEK ARA E TËRRNIT

—————————

Gjyshi im i ndjerë

shpeshherë fliste me mall

punonie këtë arë si duhet

aty do të gjeni ar.

Këtë arë e punoi me kujdes

dhe rriti fëmijët e tij,

por edhe djemtë e punuan arën

dhe aty gjetën lumturinë.

Kjo arë është shumë e vjetër

në pronësi e kemi kahmot

dhe kurrë s’e lëshojmë nga dora

aty gjejmë bereqet plot.

Krenar e punoj tokën time

që gjyshi e babai më lanë kujtim

është kjo tokë shumë e plleshme

këtu në vendin tim.

Kjo është tokë e bukës

që ushqeu shumë brezni,

ruan thesarin në vete

e punojmë me harmoni.

Gjyshi dhe babai më porositën

o bir, kjo është tokë pjellore,

ruaje si sytë e tu

mos e lësho kurrë prej dore!

/QendraPress/