Çaste poetike me poeten;-Shukrije GASHI

DASHURIA JETOHET

(30 qershor 2014)

——————————–

Këmishën e shpirtit tim

të shkoptisur ua kam lënë

ç’moti në hyrje të Edenit

në çdo kopsë me qejf

mbolla Pemën e Ullirit

urrejtjes t’ia njerrë

dufin e hidhërimit pelim

Dashuria jetohet

në zhytje vullkanesh

termetesh

në drafunga valësh oqeani

në krisma luftash për njeriun

Në gjurmët e mia thembrave

të përgjakura

do gjeni gjithmonë

eliksirin e jetës

gaz dhe lotë

Mollën e Adamit mbështjellur

në gjethin e Ballit të Evës

hajeni të tërën

Në profecinë e amshimit

kryqet dhe minaret e ngurta

sërish do të na Mbathin

me Patkonjë hiresh turpi

Këmishën e shpirtit të shkoptisur

ma leni të mos më zihet fryma

në shatore qefini

dashuria nuk mësohet me reçetë

/QendraPress/