Çaste poetike me poeten;-Bujana MALAJ

NUK ERDHA ME QAJTË……

——————————-

Nuk erdha me qajtë

nuk erdha me këndue

mallin e përvlum

me ju pak me shue.

Kodra për nën kamë

toka edhe mali

si stuhi e djegme

u lëkund prej malli.

Nuk erdha me qajtë

me qajtë , qau livadhi

qajti fletë e dushkut

qau çdo fije bari.

Fryni erë e lehtë

si prej ledhatimi

qanë bylbylat n’degë

sikur qan jetimi.

Edhe unë jetime

pa nanë e pa babë

sikur f’mi për gjini

do u gjuhesha në qafë.

Eh malli i djegun

si gaca e prushi

prej mallit të shkretë

kamët , krejt mi k’puti.

Eh vllaznit e mi

kapidana t’vdekjes

e morët me veti

lezetin e jetës.

Nuk qajta , nuk qesha

as nuk ligjërova

sikur “ këndon” qyqja

ofshamën e l’shova.

/QendraPress/