Çaste poetike me poeten ;-Meri KUSI

UNË APO TI ?!

————————

Ty ‘ o mëngjesi im , të përket kjo aromë e

këndshme që endet në ajër ?!

Ky shkëlqim që ecën, i gëzuar, mbi supet e mia;

Ky fllad, që derdh gjethe si verë mbi qepallat e mia.?

Ti je ai që më mësove si ta shpalos gjumin e trëndafilave

mbi buzët e mia, dhe si t’i heq petkat e hijes nga gjoksi im,

 që duart e tua të gjenin një jehonë të denjë për tingullin e

flautit.!

Ndaj mos pyet: Jam unë, apo këto degë,

që rrjedhin nëpër gjakun tim?

Jam unë, apo ti, që e formësove ajrin në buzët e një flauti?!

/QendraPresss/