Çaste poetike me poeten;-Migel FLOR
Inkuzitor
————————–
E burgosa inkuzitorin në qelinë
ku mbyllte viktimat e veta,
ku jeta vërtitet në spiralet e vdekjes..
Nuk desha te hakmerrem:
thjesht nga dëshira për të degjuar zërin e tij të ndërgjegjes.
Në vënd të kamzhikut i dhashë një pasqyrë,
e pashë si u skuq dhe u ndez si prush
sepse e vërtata nuk njeh kurrë mëshirë.
Të djeg më shumë se një turrë drush.
Filloi të belbëzojë
dhe gjuha ti shkurtohej
siç ua kish prerë dikur poetëve.
Në llumin e tij nisi të zhytej
dhe vështrimi ju err si terri i netëve.
E sheh i thashë pastaj ngadalë.
Natyrisht me tallje e qesëndi
Si ndodh kur lirisë i mohon fjalën
e zhyt në ferr dhe verbëri?
E riburgosa inkuzitorin një herë në qeli
Të shihte historinë që kishte
vrarë vetë ai..
/QendraPress/
