Çaste poetike me poeten:-Vilma NIKA

Vjeshta

——————

Vjeshta erdhi me trastën plot,

me mollë të kuqe, me shi e me lot.

Mbi degë të zhveshura hesht një mister,

ca funde e pritje, s’u panë asnjëherë.

Në arë hesht parmenda, oxhaku tymon,

vetmia te pragu një këngë e kujton.

U mbushën ditënetët me ëndrra lulëkuqe

e zeza vesh natën, këpucët e kuqe!

Por vjeshta, o miq, nuk është veç ndarje,

as zverdhje gjethesh, as fund i një fare.

Është buka që piqet, është vera në vozë,

është shpresa, që jetën e mban në lëvozhgë.

/QendraPress/