Çaste poetike me poeten;Margarita Llapushi ZENELI
Natë me ngjyra..
———————————
U shembën yjet e asaj nata
në meteorë kthyer,ndezur ylber,
si gjerdanë shiu ardhur parajsës
shpirti u çel,si një pranverë!
Kërcenin tulipanët me ciklat e shiut
një çift zogjsh dirigjonte nën strehë,
hëna mbi degë përkundej veriut
dashuria ndjenjat,s’i ndal e s’i fsheh!
Magjike nata si kurrë më parë
vitet e pritjes bënin gosti,
takim ëndrrash si në përrallë
të zgjuar ,përballë rrinim ne të dy!
/www.QendraPress.com/
