Çaste poetike me poetin:- Kujtim R. HAJDARI

JEMI PRANË JUSH, RINI!

———————————-

Tirana rri zgjuar,

gjithë vendi nuk fle,

proteston ndërgjegjja e kombit.

Rinia e këtij vendi ben bè.

dhimbja tund qiellin,

dhe frika tund pushtetin e Ramës

pushtetin e korruptuar e hajdut,

antikombëtar, antishqiptar.

*

Ju ndjekim nga larg,

të shpërndarë nëpër botë si pa atdhe,

ju ndjekim me zemër në dorë,

me ankthin e shqetësimin që na bren.

Trupi s’na gjendet pranë,

por shpirti kalon detet

më shpejt se era,

më besnik se gjaku,

jemi pranë jush, rini,

pranë teje Atdhe.

*

Na dhemb largësia,

Oh, sa na dhemb…!

por edhe pse larg

jemi aty,

si rrënja me trungun,

si vala me detin,

si emri me jehonën e vet.

*

Mos u ligështoni!

Përpara!

Mos u thyeni!

Nata, sado e gjatë,

është veç pragu i agimit.

Ju jeni ata,

që po hapni derën e dritës.

që bëni të dridhet pushteti,

që po ndizni shpresën e vendit,

që po merrni në dorë fatet e kombit.

Përpara rini!

Kur padrejtësia bëhet ligj,

Protesta bëhet detyrë.

Kujtim R. Hajdari

/QendraPress/