Çaste poetike me poetin;-Llesh GJOKA

FRYMË JETE

————————-

Një shtëpi e madhe, e xhamtë

E ndërtuar bukur, plot hire.

Brenda shkëlqimit të rremë të saj

Frymon e vetme një hije.

Prek xhamat me gishtat e mardhur.

Lëviz nëpër shkallë e përhumbur.

E dukshme është veç hija.

Perlat e shpirtit larg kanë emigruar.

Një hije që shtron tryezën

Mbi karrige vendos ca lule.

Ku janë fëmijët e zemrës?

Që i rriti me mund dhe pekule.

Një shtëpi e madhe, e xhamtë

Një shtëpi e madhe bosh nga brenda.

S’ka frymë ta mbaje gjallë

Ta mbajë në këmbë pa u shembur.

/QendraPress/