Çaste poetike me poetin;Beqir M.CIKAQI
AJO ISHTE …
—————————
Sot heshtën fjalët në Prishtinë
derisa dhembja mbështillet me zi
një bijë e Kosovës shkoi në amshim
por la pas emrin me shumë biografi
Ajo nuk ishte vetëm thjesht mjeke
që plagëve iu afronte shërim
ajo ishte gjithashtu edhe një poete
që vargjeve u epte shpirt e frymëzim
Ajo ishte zëri i nënës së përvuajtur
dora e shtrirë drejt fëmijës në nevojë
humaniste e dëshmuar në ditë të vështira
grua që nuk u përkul para asnjë rreziku
E morën pa të drejtë në pranga
kur e mbyllën në errësirën e ftohur
por bindjen nuk mundën t’ia burgosnin
e as dashurinë për Kosovën në zemër
Ato i mbeten të ruajtura në kujtesë
në grumbuj librash që i ruajnë e flasin
për historinë e shkruhet me gjak e djersë
në vargjet e skalitura që kurrë nuk vdesin
Lamtumirë e pusho e qetë Flora Brovina
bijë e Drenicës edhe grua e Kosovës
le të të mbulojë dheu i atdheut
si një nënë që përqafon bijën e vet
/QendraPress/.
