Fryma poetike e së dielës me poeten;- Dava Gjoka LLESHAJ

MË VJEN BABA NË ÇDO FJALË

————————————-

Unë jam vajzë jetime ,

e lindur në fshat .

Rritur me thërrime,

varfërinë e pata fat .

Dielli pak më ngrohu,

dhe kur ishte vapë .

Mos fli,bijë,shpejt zgjohu,

më thoshte im atë .

Kur të dalë rrezja e parë ,

e t’thotë “mirëmëngjes”.

Dita e re shpejt ka me ardhë,

zgjohu bijë ,ti,veç me shpresë .

Kur e hodha at’ hap t’parë ,

e mbaj mend se u rrëzova .

Kujdes, m’tha baba,një fjalë,

kur m’dha dorën e shpejt u çova .

Nesër ,bijë ,do t’ecësh vetëm ,

dorën time s’do ta kesh.

Do t’përballesh, vetë,me jetën,

ke me qa e ke me qesh .

Se jetimi nuk ka fat ,

shpejt fillova me ec vete.

Si m’tha ,baba ,pak ngapak

me i hedh hapat, unë,në jetë.

Më pas hapat i mësova ,

eca vetë dalëngadalë .

E sa herë ,unë, u rrëzova ,

më vjen baba në çdo fjalë .

/QendraPress/