Fryma poetike e së dielës me poeten;-Shukrije GASHI

Mëngjese t’ hinta Mitrovica

———————————-

Kur heshtjes t’i thyhen dritaret

degët e stërkequra molisur

ikën anës tjetër t’lumit pikëllues

flokët e thinjura qytetit t’minatoreve

do të flejnë n’paqe në të dy anët

e mëngjeset e hinta

Ibrit më nuk do të vajtojnë anipse

ofshamat e gjata shfryejnë dufin

e mashtrimit

degët e stërkequra më mirë

t’ hiqen si dhëmbi nerlik

kur bie në vendin e vetë a t’hiqet

e kotur n’ muzg ploja e lojës

symbyllas

sa të qeta rrugët e trishtit

paqes thinjat mbase do t’i rrinë

jo edhe aq keq për fajin jetim

e mendja e verbuar

merr rrugën e harrimit shesheve

t’ Evropës blu një rrëfim tjetër

mbi urën e kujtimeve Ibri plak

vajin a gjuhën e tij askush

e mori vesh ndonjëherë

n’ turnin e parë bashkë me

qiellin e bruztë minatorët

zbresin me supet e çliruara

nga historia e degëve t’stërkequra

Sa e dhimbshme ëndrra që hëngri

gjuhën e vetë dje…

/ëëë.qendrapress.com/