Fryma poetike e së mërkurës me poeten;-Anila KODRA

DITËT GRI TË ASAJ KOHE.

————————————

Ato ditë binte shi , shumë shi .

Si zog pa fole shihja nga qielli i mavijosur ,

Dhe retë që rendnin të gjitha gri ,

Si ushtar që dezerton më kishin çarmatosur .

Vjeshta e artë perandore ish bërë për parkun ,

Gjetheartat shtronin pa zhurmë petkun e tyre ,

Thua të nxehtit të verës ti merrnin hakun ,

E gjelberimit ,ti vidhnin bukurinë e asaj ngjyre .

Ato ditë të vrenjtura, ditët gri të asaj kohe,

Në memorie i kam si Teoremë e Pitagorës ,

Mblidh e zbrit më janë kthyer në ekuacione,

Ditët që jetuam aty , të dy , në një cep të botës .

Ai shi, që binte ato ditë vjeshte pa ndalur ,

Lagu gjithë kujtimet e mia pluhurusur me nostagji ,

Veç zemra dhe shpirti flakë ishin kallur,

Se flakën mbante ndezur, prushi yt i dashurisë .

/QendraPress/