Fryma poetike e së mërkurës me poeten;-Behare NEZIRI

Aroma jote

———————

Kur s’je,

nuk është mungesë

është heshtja që flet me aromën tënde.

Ajri mban një gjurmë të fshehtë,

si fletë trëndafili

në gjoksin tim të zbrazur.

Bluza jote varur pas shpresës,

çarçafët e paluar nga nata,

ende më përkundin me ty.

Frymëmarrja më bëhet lutje,

era të sjell ty përsëri,

si një kujtim që s’guxon të tretet.

Dhe unë,

e mbështjellë në të padukshmen tënde,

të dua

në çdo aromë që zgjat më shumë

se vetë mungesa.

/QendraPress/