Duhet kuptojmë një gjë! Momentumi aktual mund të prodhojë konstelacione të një procesi të tejzgjatur
Bashkim Hoxha, analist . Lidhur me veprimet aktuale të Qeverisë Hoti a mund ta dërgojnë Kosovën në zgjedhje të parakohshme?thotë –“Emërimi i z. Skender Hyseni, pa pasur ndërmend ta kontestoj atë si person si politikan apo të vë në dyshim përvojën e tij në teknikën e negociatave, mendoj se e ka i polarizuar në masë raportet e vet koalicionit aktual qeverisës. Kur e them këtë kam parasysh reagimet e eksponentëve politik të koalicionit qeverisës.
Në anën tjetër, kryeministri Avdullah Hoti gjatë raportimit të tij në sallën e parlamentit nuk mu duk aq sqarues, pati një narrativë ambiguide. Ajo që më shqetëson mua si qytetar i këtij vendi, besoj të gjithëve/së paku shumicën që na shqetëson, është roli i tanishëm amerikan në skenën e dialogut Kosovë-Serbi pas publikimit të aktakuzave dhe intervistimit për 4 ditë me radhë të presidentit Thaçi nga dhomat e specializuara të gjykatës speciale në Hagë. Konteksti politik i mbështjella me fasadën e konfuzioneve ndërmjet raporteve prej të cilave priten efekte politike, deshëm ose jo ngjallë droje të natyrshme në mesin tonë.
Kjo pjesë sipas mendimit tim, me pak fjalë është ajo që mund të provokojë zgjedhje të reja, pa hyrë pastaj në detaje po aq të rëndësishme që i takon politikbërjes në sferën e menaxhimit të brendshëm. Në këto rrethana të paqarta, për të mos thënë drithëruese, gjendemi përballë dilemave nëse do të duhej të vazhdohet kështu me një qeveri Hoti e cila si e tillë siç funksion mbart mjaft hendikepe për shkak të pafuqisë politike në kuptimin demokrartik ( qeveri e m’varur ), ose ta rrisë nivelin e përfaqësimit duke e marrë dikë nga opozita (nëse mundet), ose të shkohet në zgjedhje të reja në rastin më të mirë.
Duhet kuptojmë një gjë! Momentumi aktual mund të prodhojë konstelacione të një procesi të tejzgjatur, ndryshe siç shpresuam në një kohë të caktuar, se me rritjen e rolit amerikan si aktori kryesor në rifillimin e dialogut do të shkurtohej koha për një fund qartësisht më të shpejtë në përmbylljen e kësaj teme.’/qendrapress.com/
