Fryma poetike e së dielës me poeten ;-Prena PRENDI

RREZE DIELLI

—————————

Lëshona diell aman ngrohtësi !

Në çdo stinë kemi nevojë

Na shkri zemrat që kanë ngri

Jeta është një ,nuk bëhet lojë.

Buzëqeshja duket në sy

Ç’ka ka shpirti e tregon

Kot mundohesh me u zgërdhi

Foto e bukur tê tradhton.

Nuk mbulohet me shoshë dielli

Asgjë s’mbushet po me shoshë

Për pak gjë sot të zë sherri

Tjetrin mirë nuk donë ta shohë.

Xhelozia ka nda njerëzi

Shpirti pus është thellue

Mos kërko të mirën n’kojshi

Veten së pari me korigjue.

Rreze dielli bie ndër ne!

Na ndriço rrugën përpara!

Harruam race e harruam fe

Jemi vue mbrapshti në gara.

Lumturia e vërtetë

S’don shumë llafe e teori

Shihet qartë e flet vetë

S’ka nevojë për fotografi.

Lulen kush din ta kurojë

Asnjëherë nuk humb aromë

Dielli ngroh përgjithmonë

Nuk e tret as zëvendëson.

/www.qendrapress,com/