Çaste poetike me poeten:Zamira AGALLIU

Ikën Yjet

———————

Ikën yjet ikën….

nga galaktikat , u fikën !

Neoni i hënës

mbi fytyrën time

u zbeh ,u zbeh..

unë fjeta në bregun

e ëndrrës që pash,

fjeta në kujtesën tënde

të lashtë,të lashtë.

Nga aty ika …

të harroja gjumin sakaq ,

koha para meje ndali

brenda këngës sate

brenda qiellit tim.

Po Jetoj ; shko e thuaj atyre,

që përbri teje po rri !

në kujtesën time të bëj vend

në të gjitha rrugët shoh

mungesën tënde,

o shtrëngata e gjakut

në pulsin tim të kaltër

dëgjova rënkimin tënd

si thikë ,nga xhelozia.

ika larg nga qielli yt

ike larg , ike …

nga galaktika.

ika …..

Ti fli te qafa ime përnatë

dhe merr frymë në peizazhin

e gjinjve të diellt’ të

imazhit tim.