Fryma poetike e së dielës me poeten;-Fatime KALIMASHI

NËSE…

Nëse

Nga sot nuk më shihni çdo ditë

Me ju do të jem në terr e në dritë

Me diellin do lind e të perëndoj

Me dashurinë për jetën me ju jetoj

Nëse

Nga sot nuk më takoni shumë

Për ju qëndroj zgjuar kur jini në gjumë

Me hënën dhe yjet për ju do bëj dritë

T’i kërkoni netët të kthehen në ditë

Nëse

Nga sot nuk kam kohë për t’ju shkruar

Mos jini kureshtar as të befasuar

Koha m‘kushtëzoi t’mos e harxhoj kot

Ta dua me shumë e të bëhem e fort

Nëse

Nga sot s’kam kohë për t‘ju uruar

Me kohën në kohë së bashku do jemi

Do të vij për ju për t‘mos u vonuar

Një copë kohë të vetës suaj tek unë e keni.

/www.qendrapress.com/