Fryma poetike e së dielës me poetin; Ragip GJOSHI
MAGJIA E FJALËS
1.
Çdo kohë ka thesin e vet të fjalëve t’zgjedhura
Disa fjalë janë alarm,me urgjencë t’hedhura!
Disa janë me maja,do janë të rrumbullakëta
Fjalor,e fjalë të rënda i kishte kohë e robërisë
Fjalor e fjalë të ëmbla ka çelur kohë e lirisë…
Dikush si lopa baglen,lehtë lëshohet fjalën
Paturp do fjalë,pa peshuar,fundi ku do t’dalën
Dikush, ka zeje,me fjalë përgjëdhel çdo pushtet
Çfarëdo qoftë latin,turk,nemc,serb,car a mbret!
Pushteti i fjalës është kuroherë me fuqi t’veçantë
Peshën e fjalës,mbi kurriz ngarkuar e mban n’çantë
Kujdes me fjalën,ajo të degron qafën edhe tek laku
Kujdes me fjalën,fjala e matur t’vë n’ballë oxhaku.
Fjalë me shije mjalti rrjedhë kthjelltë siku gurra
Fjalë me thumba nukka nder, s’ është për burra
Fjala e rëndë rrjedh si kroi,jo rrallë helm të zi
Me fjalë,me fjalë zë shumë miq,e bie n’armiqësi!
Kur fjala nxiret nga dhëmbët e goja përjashtë
Bëhet sikur plumbi,më kurrë s’kthehet prapshtë!
Fjala dikur mbetej përgjysmë,me pranga n’burg
Fjala ishte këngë lirie, e pakënduar deri n’fund…
S’lodhet fjala e mirë,ngryset pa asnjë dert
Bëhet çati e poezisë,shi e rrebeshe të pret
Fjala godet shtueshëm në shteg të ballit
Fjala është edhe sikur lule në mes livadhit.
Fjala godet,gjakut ia rritë pulsin n’vena
Është dhe si rreze, drithëron përbrenda
Fjalën duhet tjerrur mirë,si vjershëtor
Fjalën duhet frenuar ,e ndalur me zor…
Poeti ia ka thanë fjalës: Tani je e lirë.
Fjala u bë me krahë,flatroi nëpër qiell
Fjala ndërton ëndërra,dhe jetë të lirë
Fjala e mirë,të harrohet është vështirë.
Drenicë, më 30 dhjetor 2023 /
www.QendraPress.com/
