E diela poetike me poeten:-Vilma NIKA

Në më kërkofsh!

—————————-

Në më kërkofsh në brigje mbetur

të shkojmë në det në paçim fat.

Aty ku strehën kishim gjetur,

unë si sirenë,ti si pirat.

Në më kërkofsh malit ngjitur

n’kurora bjeshkësh prej menteli.

Do të më gjesh me diellin lindur

që me dashni na përkëdheli.

Në më kërkofsh nëpër lëndina

ku bëmë kurorë me besa-besë.

Pranverë do jenë katër stinët,

dhe unë aty do të të pres.

Në pyetsh për mua shoqërinë,

e keni parë k’të vajze gjekund?

Do thyesh heshtjen me mërzinë

me gotën kthyer lot me fund.

Në më kërkofsh në ditë me shi

me avuj zemrash bëhu muzë.

Aty do qajmë ndoshta të dy,

ku puthen lotët buzë më buzë.

/QendraPress/