Çaste poetike me poetin;-Luan SHESHI

PA MËSHIRE MALI NGUTUR

—————————————

Pa mëshire…mali ngutur,

hedh orteqe përmbi fushë,

e vullkani kreshtë-këputur,

gjerdan llave var në gushë…

Pas nuk mbetet dhe tërmeti,

gjoks të tokës çan e shkund,

prag stuhie gjëmon rrëmeti,

bregut plasur dallgë pafund…

Valle-ftohtën…kërcen Veriu,

brynë e ngricë kudo shtruar,

mëshir fatit…stanesh bariu,

gunës strukur…netët kaluar…

Pa mëshirë…mali ngutur

gjuhë-zjarrtat…lart lepinë,

e vullkani kreshtë-këputur,

blozë e hi hedh mbi shpinë…

/QendraPress/