Çaste poetike me poeten;-Shpresa Fundo GJERGJI

\

Përtej… (Haiku)

————————-

Kisha një ëndërr…

Jeta rridhte vrullshëm,

përpiqesha!

E shihja diku,

bari ish më i gjelbër,

mërzitesha!

Si pa kuptuar,

një ditë prej ditësh,

vendosa të ik…

U nisa diku,

ta merrja jetën lehtë,

sa hap e mbyll syt’…

Në një vend tjetër,

të jetoja më mirë,

me ëndrra plot!

Vura re një gjë:

Vendin e ndryshova,

por mendjen më kot!

Se edhe përtej,

deti i kripur është,

kudo që të shkosh…

/QendraPress/