Çaste poetike me poetin;-Tyran Prizren SPAHIU

SENEKA DHE XHELOZIA

—————————————

…dhe kur toleranca ndëshkohet

dashuria kurrë e ekzistuar futet në harresë

kërkon pakëz mirëkuptim nga banorët

urrejtja shemb shtyllën e fundit të shpresës.

*

Kujton Senekën

frikën, ankthin përjetuar nga njerëzit

edhe dëshirat e tepërta

ja pra edhe shqetësimet ditore.

*

Athua ku gjindem unë

në cilën kategori te nënvizohem

kuptoj se Senekës diç i mungon

mllefi fisnor, klanor sot lulëzon.

*

Hapi dritaren për ajër të pastër

britmat ne rrugë më çmendin

zbres në bodrum të kërkoj ngushëllime

fiken dritat, rryma është ndalur.

*

Në mes të askundit xhelozia sundon

frymon me tërë forcën e vrullit

ndoshta uji mund të fik

thojnë as stuhitë oqeanike

nuk arritën mërinë të çrrënjosin.

/QendraPress/