Çaste poetike me poeten:Leonora N. LOKAJ

Çdo grue asht si nana ime

———————————

Çdo grue ne moshë të nanës sime e dua

them kështu do të ishte nana ime

e thjeshtë, lëkurholl’, flokëargjed

damarë të vijëzuar qafës

vetullholl’ si andrrat e mia

Çdo grue në moshën e nanës sime

i ka duert me kallo

me to kanë pjekë oxhaqeve t’flakta

pogaçet m’i ushqy andrrat e fëmijëve

agimeve të hershme plot diellë

Çdo grue asht si nana ime

ma sjellë rrotull çdo andërr, ma grish çdo kujtim

secilin mot troket n’mue me dorën e rëndë t’mallit

shkel me nje tufë lule dhe shtron gosti mbi dhimbjen time

Secila grue në moshën e nanës sime

mi trazon sytë e përgjumun

shpirtit me borë m’zgjon tundime t’reja

andrra t’shartume

përendime të vagëlluara

m’i nxitë kangët e vjetra t’këndojnë mallin e ri

Çdo grue asht një “ejll i arratisun”

që m’shpërfaq mallin e ndryme n’mue

(sonte)

/www.qendrapress,com/