Çaste poetike me poetin;Aziz AHMETI

SH P R E S A

————————–

“Ajo që i jep jetë shpirtit është shpresa.” – Thënie

Fjala shpresë tingëllon bukur

Fjalë e ëmbël, shumë simpatike

E bukur për syrin, e lehtë si flutur

E veçoj nga fjalët tjera, moj mike.

Gjashtë shkronja, gjashtë margaritarë

Sa fjalë e bukur, sa fjalë e mirë!

S`peshohet me asgjë, fjalë e mbarë

Është diamant,argjend, është si lirë.

Fjala shpresë është fjalë floriri

Fjala shpresë, fjalë shumë e çmuar

Është e ngrohtë si rreze dielli

Është e bukur, shumë e uruar.

Kur hyn në zemër, sapo depërton

Shfaq gjallëri, i jep forcë, i jep fuqi

Tik-taket e zemrës sapo i dëgjon

Gjen kënaqësi, gëzim e lumturi.

Thonë:

“Shpresa kurrë nuk vdes”, nuk humbet

Ajo qëndron ballëhapur, stoike

Nga fjalë të tjera fare s`tundet

Sa e bukur, shumë simbolike!

Ajo vetëm buzëqesh, të qajë s`di fare

Përmban në vete shumë kuptim

Ngado që shkon tund fushë e male

Sa madhështore për mendimin tim!

Autori: Aziz Ahmeti,

/QendraPress/