E mërkura poetike me poeten;-Zoica Gjolla POPI

Ah,sytë e tu!

———————–

Symbyllurazi akoma dritë e shpirtit shkreptin,

sy në ngjyrën e ëmbël të kadifenjtë,

pikëlotin e myshqeve s’e ndalin dot…

Ku je…?

një zemër të lënduar, ku e ke lënë?

Ku je …?

një shpirt i lënduar,

a e di sa dhëmb?

Le të përplaset dallga mbi shkëmbin e vetmuar në një breg,

shkumëbardha le ti njomë gurët përreth,

të zbardhen, të thahen e përsëri të lagen…

Por ti mos ma ciflos shpirtin, me mbylljen e kujtesës, gjer ne kuarcin e një guacke…

Tërhiqu…

Mos bjer ne kurthin e dritëvenitjes!

Le ta kërkojmë imazhin tonë në akustikën e një melodie malli,

lajtmotivi do të jetë vetëm i yni,

në kohë…… dhe pa kohë.

Ah …. sytë e tu!

/www.qendrapress.com/