E diele me poeten;Bukurie BUÇPAPAJ
DASEM SHQIPTARE
————————–
Dasem me tupan Fyell e çifteli
A na e bani Oj qikë e ti djal i ri
Na thirr në një sofër e na bashko
Për krushk merr Kosovën
E në Çamëri na ço
Na mblidhni vëllaznisht
Bile në një dasem Bajrakun le t’a majë
Presheva jonë motër
E flamurin tonë kuq e zi
Mbaje ti oj Shkodër
Na bashko Gegë
E Toskë të gjithë në një sofër
Se kështu bashkohet kombi ynë Shqypni
A ma falë një nip Oj Medvegjë motër
Gëzo at’ djalë, gëzo At’ votër.
Mos ma harro Plavën Ulqinin e Tivarin
M’i ço fjalë motër Mitroviceës
Edhe Gucisë Le të mbildhen bashkë
Bijtë e Shqipnisë
Se kështu na ka hije
Burrinisht me u bashkue
O moj qikë e ti djalë i ri
Kështu bëhet bashkimi i Nanes Shqypni.
E jo t’u u hangër me shoqi
Shoqin, e t’u u zi
Por me dasem të madhe
Tupan e çifteli
Se kësaj toke të a’mbel,
I thonë Shqypni.
E nuk duron ma të perçamun
Në mes veti vëllazni..! ……..
GURGULLON UJI I VALBONËS
—————————————
Gurgullon lumi i Valbonës
Me ujin e pastër si loti
Rrethuar nga bjeshkë të larta
Perle që e ka bekuar vet Zoti
Gurgullon uji i Valbonës
Oh ç’ mrekulli përrallore
Në ato gryka aq t’ theposura
Kemi kujtimet tona atërore
Gurgullon uji i Valbonës
Brigjeve e mbi gurë të bardhë
Bukuri e pamje mahnitëse
Sikur të thonë ,,Mirë se ke ardhë !”
VAJZËS SE DETIT
———————-
Çdo ditë në të bukurin det
Shihja një vajzë bionde si një sirenë
Vraponte plot gjallëri e plot jetë
Mbi dallgët e detit si një Helenë
Me kënaqej syri tek e shikoja
Se shkonte aq bukur me detin
Nga larg me admirim e vështroja
Bukuria e saj bënte për vete dhe mbretin
Sytë e saj si ngjyra e detit
Flokët bionde mbi supe valëvitur
Do ta preknin patjetër shpirtin e poetit
Bukurinë shqiptare vargjeve për të skalitur
Si fluturë vraponte mbi ato dallgë
Qeshte e lozte mbi ato valë deti
E djalëria që shikonin atë nga larg
Plasen të shkretët ta bënin për veti
Ajo si çapkene vajzë që ishte
Hilet e tyre mirë i kuptonte
Se bukuria e saj mendjen ta prishte
E nga kjo gjë hileqarja përfitonte
Eh, bukuri e rrallë shqiptare
Mbi dallgët e detit notonte
I plasi zemrat djaloshare
Dhe vajzave xhelozin ju shtonte
Bukuria e saj u bë muzë e vargut tim
Mendjes time i ngeli si një kujtim
Në gjithë botën femra më të bukura s’ka
Si vashat , qikat, gocat e vendit tim.
