Vazhdojmë me punimet për ngritjen e standardeve të infrastrukturës spitalore njofton drejtori i përgjithshëm Osman HAJDARI.

     Drejtori i përgjithshëm  I Spitalit Rajonal’’ Dr  Daut Mustafa’’ në Prizren Osman Hajdari njofton ‘’ Kemi nisur edhe me renovimin e plotë të Njësisë së Patologjisë dhe Morgut, në një hapësirë prej rreth 400 m². Punimet përfshijnë rinovimin e ambienteve të brendshme, ndërrimin e dyshemeve dhe dyerve, përmirësimin e ndriçimit, ventilimit dhe nyjeve sanitare, si dhe riorganizimin modern të hapësirave të morgut me standarde më të larta për punë dhe ofrim të shërbimeve.

Me këto investime po krijojmë kushte më të mira pune dhe ofrim më cilësor të shërbimeve, sipas standardeve bashkëkohore, për qytetarët tanë.

Falënderojmë stafin dhe pacientët për bashkëpunimin dhe mirëkuptimin gjatë kohës së punimeve.

Punët e nisura po vazhdojnë me ritëm, për një shëndetësi më moderne dhe më të fortë!/QendraPress/