Çaste poetike me poeten;-Mimoza Elioni OSMANI

Qirinjtë

——————

S’kthej dot as qirinjtë së prapthi,

se do duken shtatëdhjetë e pesë

Mosha s’më ndjek hap pas hapi,

ngjaj nënë çames, Selimesë.

Vitet, yje-xixëllonja,

në një grusht i mblodha shuk,

i thashë hënës: “Hënë, zonja,

plakjen nuk e dua, nuk!”

Sy shqiponje, syri i hënës,

me sqep, si të jenë pambuk,

mblodhi bashkë fijet e zemrës

dhe të thinjave tek-tuk.

Si t’i kthej ndryshe qirinjtë?

Le të duken pesëdhjetë e shtatë.

Shpirti im është i florinjtë,

mosha veç kallëp i artë.

/QendraPress/