Çaste poetike me poetin:-Rexhep F. MORINA

SHPËRFYTYRIM

———————————

Ngazëllimet mëngjesore të agimeve të bardha ndër ne,

Gojëkëqijtë i errësojnë me imazhet fiktive përmbi dhe.

Simbolet e madhështisë epike t’aspiratës sonë jetësore,

Shpirtzinjtë i përbuzin si sende arkaike, e jashtëkohore.

Gjakun që përskuqi tokën tonë të shenjtëruar lashtore,

Karagjozët kuislingë e baltosen me sjelljet jonjerëzore.

Përjetësimet e të rënëve për atdheun e lashtë arbëror,

Mercenarët i shpërfillën me euforinë e urryer si mizor.

Kapërcimin e sfidave në kohë dhe lartësimin e epokës,

Gungaçët hipnotik ëndërrues e quajtën mallkim i tokës.

Kujtesës së heroizmit historik, e të krenarisë burrërore,

Shpërfytyrim i bënë imagjinata e shëmtirave djallëzore.

/QendraPress/