E diela e 7 poezive dhe 7 poeteve:Alma Zenellari 

KËNGA E EVËS

—————————-

Të dua,

që nga krijimi

me egoizëm femre,

që lind dhe vdes e dashuruar

ty, Adami i parë dhe i fundit.

Zbrita prej ajrit,

dola prej pyllit fletëgjerë,

me erën e myshkut trazuar flokëve…

shtojzovalle’ e harruar,

amazonë e egërsuar.

Godas, ngjesh këmbët, kërcej, dehem,

përplasem

trupit tënd prej dheu dhe balte të kuqe.

Karmen e plagosur,

hepohem brinjëve të tua, e ndjen?!..

Thërras “eja”

ndiqi hapat e mi lojcak,

ndjeje ritmin e ecjes,

brenda përrenjve të gjakut tënd,

peshën e dashurisë sime ,

që nga krijimi prej gruaje të përsosur. ..

e deri më sot.

Sot …

Dashuria ime mbi hark violine,

ngre tinguj të paputhur rebel.

Thërret sërish e sërish “të dua” ,

që nga krijimi

me egoizëm femre

që lind dhe vdes e dashuruar,

Ty, Adami i parë dhe i fundit, gatuar prej eshtrash dhe baltë të kuqe