E diela e 7 poezive dhe 7 poetëve:Gëzim AJGERAJ

———MJEGULL MBI URË

—————————————-

Në degën e lisit të thatë lëshuan zogjtë

për këngët të mëngjesit që s’ po ju dilnin zërat

Një shtëllungë mjegullnaje ra mbi urë

Cicërimave të mekura as zë bilbili s’u dëgjua

Shushurimave të kohës hije e trishtë ju ka rënë

Një shtëllungë mjegullnaje ra mbi urë

Ca hije të trishta nën degën e thatë të blirëve

Kërkojnë tinëzisht kohën dhe gjejnë dhimbjen

Se, asgjë të bukur si volën as si mbollën ditës

Ca shtëllunga mjegullnajash atje mbi urë

Më kot dita i numëroi motet e pritjes

Asgjë e bukur s’pikoi nga degë e thatë

As nga cicërimat e mekura mbi shpat

Ca shtëllunga mjegullanajash harbuan mbi urë

Një bilbil flatroi larg e më s’u duk!