Fryma poetike e së dielës me poeten;-Marigona ZEKAJ

Ku do të jemi nesër

—————————–

Ku do të jemi nesër,

kur koha do të na fshijë

hapat tanë nga rruga,

kur zërat do të kthehen në jehonë

dhe kujtimet të digjen përgjithmonë?

Ku do të jemi nesër,

kur s’mund t’themi më “rri”

kur duart mbesin në ajër

dhe më s’është as ajo s’je as ti

Ndoshta do të jemi aty

në një lutje të heshtur,

në një lot që do bie pa zë,

në një mall që nuk shuhet kurrë,

edhe pse koha s’na kthen më.

/QendraPress/